پارێزگاری هەڵەبجە ڕایدەگەیەنێت: بەهۆی كەش و هەواوە ئەمڕۆ دوو شەممە بۆ سەلامەتی كارمەندان دەوامی فەرمانبەران لەكاتژمێر 9:30 خولەكەوە دەستپێدەكات.
ئازاد تۆفیق پارێزگاری هەڵەبجە بڵاویكردەوە: بەهۆی دابەزینی پلەكانی گەرما و دروستبونی شەختە لە بەیانیاندا، بۆ سەلامەتی كارمەندان، ئەمڕۆ دوو شەممە كاتی دەوامی دامەزراوەكانی حكومەت لەكاتژمێر9:30 خولەكەوە دەست پێدەكات.
جێگەی باسە دوای ئەوەی دوو شەپۆلی بەفربارین هەرێمی كوردستانی گرتەوە، بەو هۆیەوە لە سلێمانی و هەڵەبجە كاتی دەوامی فەرمانگەكان دواخرا.