كۆمیسیۆنا بلند یا سهربخۆ یا ههلبژارتنان یا عیراقێ راگههاند؛ وان پێدڤى ب پتر ژ 45 هزار كهسان ههیه دا كو وهك كارمهندێن دهنگدانێ د ههلبژارتنێن كوردستانێ دا كار بكهن.
جومانه گلاى پهیڤدارا كۆمیسیۆنا ههلبژارتنان راگههاند "كۆمیسیۆنا ههلبژارتنان پێدڤى ب پتر ژ 45 هزار كارمهندێن دهنگدانێ ژ فهرمانبهرێن سازیێن دهولهتێ، قۆتابیان و دهرچوویێن كولیژان و پهیمانگههان ل ههرێمێ ههیه".
دیار ژى كر "بهلاڤكرنا دهستپێكى بۆ بنگههێن دهنگدانێ پتر ژ 1200 بنگههێن دهنگدانێ نه كو پتر ژ 6 هزار وێستگههێن دهنگدانێ ههنه و ل ههر وێستگهههكێ دێ دناڤبهرا 4 بۆ 5 فهرمانبهرێن دهنگدانێ تێدا ههبن، ب ڤێ چهندێ كۆمیسیۆنێ پێدڤى ب پتر ژ 45 هزار فهرمانبهرێن دهنگدانێ ههیه".
گۆت ژى "جڤاتا كۆمیسیاران میكانیزما ژێگرتنا فهرمانبهرێن دهنگدانێ پهسهندكر و لینكێ پێشكێشكرنێ ل مالپهرێ فهرمى یێ كۆمیسیۆنا ههلبژارتنان ژ بۆ پێشكێشكرنێ وهك فهرمانبهرێ دهنگدانێ دانایه".