به‌نكا ناڤه‌ندى یا عیراقی پتر ژ ملیار دۆلاران د حه‌فتییا بۆرى دا فرۆتینه‌ و رێژه‌یا 94% ژێ ب شێوه‌یێ حه‌واله‌یێن بۆ ده‌رڤه‌ بوون.

به‌نكا ناڤه‌ندى د هه‌ر پێنج رۆژێن ڤه‌كرنا مه‌زادى دا ل حه‌فتییا بۆرى ملیاره‌ك و 273 ملیۆن و 178 هزار و 100 دۆلار فرۆتینه‌، ئه‌ڤ رێژه‌یه‌ پتر بوو ژ حه‌فتیا به‌رى وێ كو تێدا ملیاره‌ك و 259 ملیۆن و 432 هزار و 212 دۆلار فرۆتبوون.

تێكرایێ رۆژانه‌ یێ فرۆشتنا دۆلارى ژ لایێ به‌نكا ناڤه‌ندى ڤه‌ د حه‌فتییا بۆرى دا 254 ملیۆن و 635 هزار و 620 دۆلار بوون.

د حه‌فتییا بۆرى دا، به‌نكا ناڤه‌ندى ل چارشه‌مبیێ پترین رێژه‌یا دۆلارى فرۆتبوو كو 256 ملیۆن و 413 هزار و 14 دۆلار بوون و ل سێشه‌مبیێ كێمترین رێژه‌یا دۆلارى فرۆتبوو كو 250 ملیۆن و 17 هزار و 41 دۆلار بوون.

ژ سه‌رجه‌مێ دۆلارێ به‌نكا ناڤه‌ندى د حه‌فتییا بۆرى دا فرۆشتى، رێژه‌یا 94% ژێ كو دبنه ملیاره‌ك و‌ 196 ملیۆن و 338 هزار و 100 دۆلار ب شێوه‌یێ حه‌واله‌یێن بۆ ده‌رڤه‌ ژ بۆ پاره‌داركرنا بازرگانیا ده‌رڤه‌ بوون.

هه‌روه‌سا 76 ملیۆن و 840 هزار دۆلار ب شێوه‌یێ كاش ژ لایێ به‌نكا ناڤه‌ندى ڤه‌ د حه‌فتییا بۆرى دا هاتینه‌ فرۆتن.