وهزارهتا ساخلهمیێ یا ههرێما كوردستانێ 17 بڕیار بۆ ههر سێ رۆژێن جهژنا رهمهزانێ دان.
وهزارهتا ساخلهمیێ گشتاندنهك ئاراستهى رێڤهبهریێن گشتى یێن ساخلهمیێ ل پارێزگههـ و ئیدارهیێن سهربخۆ یێن ههرێمێ ل دۆر پێشكێشكرنا خزمهتگۆزاریێن ساخلهمیێ د رۆژێن جهژنێ دا كریه.
وهزارهتێ ئهڤ بڕیارێن ل خوارێ دان:
1. دانانا لژنهیا دویڤچوونێ ل سهرجهم رێڤهبهریێن گشتى و نهخۆشخانهیان.
2. بۆ ههر كارهكێ پێدڤى و ژ نشكهكێ ڤه پێدڤیه هێلا گهرم یا پهیوهندیێ ههبیت.
3. د دهمێ پێدڤى دا، كۆگههێن دهرمانان و پێدڤیاتیێن پزیشكى و تاقیگههى ل ههمى باژێڕ و باژێڕكان دێ د ڤهكرى بن.
4. پێگیركرنا پزیشكێن پسپۆر و ئاكنجیێن دێرین و خولاو و پهرستار و كارمهندێن ساخلهمیێ ب دهواما نوبهدارى.
5. هاتنهژوورا راگههاندنێ ب تنێ دێ ب رێكا راگههاندنا رێڤهبهرییان بیت.
6. پێدڤیه ئامارا رۆژانه د دهمێ 24 دهمژمێران دا ب رێكا پهیوهندییا موبایلێ ژ دهمژمێر 8ى سپێدێ ههتا 8ى سپێدێ بۆ رێڤهبهریێن گشتى بهێته رهوانهكرن.
7. رۆژانه فۆرمێن تایبهت ب ئاماران بۆ رێڤهبهریێن گشتى بهێنه رهوانهكرن.
8. ئامادهباشى بۆ ئهمبۆلانسێ و دابینكرنا گاز و بهنزینێ بهێته كرن.
9. دویڤچوونا بهردهوام بۆ پرۆژهیێن پاقژكرن و دابینكرنا خوارنێ بهێته كرن.
10. هێلێن موبایلان یێن بهرپرس و (مستلم)ێن بهشان د ڤهكرى بن و بهرسڤ بدهن.
11. نهخۆشخانهیێن ههوارهاتن و كلینیكێن دهرهكى د ڤهكرى بن و ههمى سهرهدان و زانیاریێن تایبهت ب نهخۆشان تۆماربكهن.
12. پێدڤیه سهنتهرێن پێدانا چارهسهرییا كیمیایى بۆ نهخۆشێن پهنجهشێرێ ب شێوهیێ نوبهدارى د ڤهكرى بن.
13. پێدڤیه سهنتهرێن شویشتنا گولچیسكان ب شێوهیێ نوبهدارى د ڤهكرى بن.
14. تیمێن فریاگۆزارى و هێلا 122 بهردهوام بن د ئهرك و كارێن خۆ دا ب شێوهیێ 24 دهمژمێرى و هۆبهیا پزیشكى یا ههوارهاتنێ دێ خشتهیێ دابینكرنا تیمان بۆ جهێن پێدڤى و گهشتیارى دانیت.
15. تیمێن (پشكنینا ئاڤا ڤهخوارنێ یا مالان و نهخۆشیێن ڤهگوهاستى و چاڤدێرییا ساخلهمیێ) دێ بهردهوام بن د دویڤچوونێن خۆ دا ب شێوهیێ نوبهدارى.
16. پێشكێشكرنا خزمهتگۆزاریێن ساخلهمیێ بۆ ئاوارهیان ل كهمپان دێ بهردهوام بیت.
17. تیمێن ساخلهمیێ ل جهێن گهشتیارى بهێنه دانان ژ بۆ پێشكێشكرنا خزمهتگۆزاریێن ساخلهمیێ بۆ حالهتێن ژ نشكهكێ ڤه.