لە چەند هەفتەی ڕابردوودا 500 خێزانی ئاوارەی عەرەب کە لە کەمپەکانی هەرێمی کوردستانن، گەڕێنراونەتەوە شوێنەکانی خۆیان.

حکومەتی عێراق بڕیاری داوە تا 30ی تەمووزی ئەمساڵ کەمپی ئاوارەکان لە هەرێمی کوردستان دابخرێن و ئاوارەکان بگەڕێنەوە شارەکانی خۆیان.

سەرچاوەیەک بە "ئەلعەربی جەدیدی" ڕاگەیاند "لە چەند ڕۆژی ڕابردوودا 120 خێزان گەڕاونەتەوە شارۆچکەی یەسریب و دجێل لە پارێزگای سەڵاحەددین".

لە هەرێمی کوردستان 24 کەمپی ئاوارەکان هەن، نزیکەی 35 بۆ 37 هەزار خێزان لە کەمپەکاندا دەژین.