لە یارییەكانی گەڕی دەیەمی خولی نایابی ئینگلیزی یانەی چێلسی سێیەم سەركەوتنی لەسەریەك تۆماركرد كاتێك لەسەر یاریگا ستامفۆرد بریچ پێشوازی لە یانەی ولڤەرهامتۆن كردو یاریەكەشی بە سێ‌ گۆڵی بێ‌ وەلام لە سوودی خۆی تەواو كرد.

لەسەرەتاوە چێلسی باشتر دەركەوت و لە خولەكی 45 كای هاڤێرز گۆڵی پێشكەوتنی بلوزی تۆماركرد لە خولەكی 54 كریستیان پۆلیسیچ یانەكەی كردە خاوەن گۆڵی دووەم دواین گۆلیش ئەرماندۆ برۆخا لە دوا خولەك تۆماریكرد و چێلسی 3 خاڵی گرنگی دەستەبەركرد.

بەم سەركەوتنە تیپەكەی لەندەن كۆی خاڵەكانی بەرز كردەوە بۆ 16 خاڵ و هاتە پلەی چوارەمی ریزبەندی و ژمارەی خاڵەكانی ولڤەرهامتۆنیش هەر لە 6 خاڵ مایەوە لە پلەی هەژدەمینی ریزبەندە