پاریس سان جێرمان بردنەوەی 10می لەم وەرزەی خولی فەرەنسا بەدەست هێناو بە سێ گۆڵی بێ بەرامبەر لە ئەجاكسیۆی بردەوەو پارێزگاری لە پێشەنگی یانەكان كرد.

كیلیان مباپێ لەخولەكی 24 گۆڵی یەكەمی پاریس سان جێرمانی تۆمار كرد، گێمی یەكەمیش بەم گۆڵە كۆتایی هات، لەخولەكی 79 لیۆنێل میسی گۆڵی دووەمی تۆمار كرد، دواتریش مباپێ لەخولەكی 82 گۆڵی دووەمی خۆی و سێیەمی تیپەكەی تۆمار كرد، بەم دوو گۆڵەش ژمارەی گۆڵەكانی بوو بە 10 گۆڵ پلەی یەكەمی ریزبەندی گۆڵكارانی گرتوەو پاریس سان جێرمانیش بە 32 خاڵ پێشەنگی باشتر كرد.