لە یارییەكانی گەڕی 18می پرێمەرلیگ لیڤەرپول توشی دۆرانی پێنجەم بوو لەم وەرزە كاتێك لە دەرەوەی یاریگای خۆی بە گۆڵێك بەرامبەر بە سێ گۆڵ بە برینتفۆرد دۆرا.

لەخولەكی 19 ئیبراهیما كۆناتی گۆڵی یەكەمی بۆ برینتفۆرد بەهەڵە تۆمار كرد، بەر لەكۆتایی گێمی یەكەمیش بە سێ خولەك یوان ویسا گۆڵی دووەمی برینتفۆردی تۆمار كرد گێمی یەكەمیش بەم ئەنجامە كۆتایی هات.

لەگەڵ دەست پێكردنەوەی گێمی دووەم بە پێنج خولەك چامبەرلین تاكە گۆڵەكەی لیڤەرپولی تۆمار كرد، بەر لەكۆتایی یارییەكەش بە شەش خولەك بریان مبیۆمبۆ گۆڵی سێیەمی بۆ برینتفۆرد تۆمار كرد ئەمەش شەشەمین بردنەوە بوو لەم وەرزە تۆماریان كرد بە كۆكردنەوەی 26 خاڵ پلەی حەفتەمی ریزبەندی گرتوەو لیڤەرپولیش بە 28 خاڵ پلەی شەشەمی گرتوە.