پارێزگاری ههولێر ڕایدەگەیەنێت،یهکهمجار نییه له کاتی هاتنی سهرۆکی وڵاتان ئاڵا له قهڵات ههڵبکرێت.
ئومێد خۆشناو، پارێزگاری ههولێر لەبارەی رووپۆشکردنی قەڵای هەولێر بە ئاڵای تورکیا روونکردنەوە دەدات و ئاماژە بەوە دەكات، یهکهمجار نییه له کاتی هاتنی سهرۆکی وڵاتان ئاڵا له قهڵات ههڵبکرێت، تهنها ئاڵای تورکیا نییه بهڵکو ئاڵای کوردستان و عێراق و تورکیا بهیهکهوه دروستکراوه.
باس لەوەش دەكات، ئهوهش بابهتێکی پڕۆتۆکۆڵیه و له ههموو دونیا کاری واکراوه و دهکرێت.
ئەوەش لە كاتێكدایە شەوی رابردوو، قەڵای هەولێر بە ئاڵای تورکیا رووپۆشکرا، وەکو ئامادەکارییەک بۆ هاتنی رەجەب تەیب ئەردۆغان، سەرۆککۆماری تورکیا بۆ هەولێر بەڵام نارەزایەتی چین و توێژە جیاوازەكانی هەرێمی لێكەوتەوە.