دەستەی گشتی كەشناسی و بومەلەرزەزانی عێراقی بڵاوی كردەوە ، درەنگانی شەوی رابردوو بومەلەرزەیەك قەزای شنگالی هەژاندووە.
لەبەیاننامەیەكدا كە ئەمرۆ دووشەممە بڵاویان كردۆتەوە ، دەستەی گشتی كەشناسی و بومەلەرزەزانی عێراقی دەڵێت : " كاتژمێر (11:12:35)ـی شەوی رابردوو بومەلەرزەیەك قەزای شنگالی سەر بە پارێزگای موسڵ هەژاندووە".
وەك لە بەیاننامەكە هاتووە ، بومەلەرزەكە لەدووری (25)كم لەباكووری رۆژئاوای قەزای شنگال روویداوە و بەگوری (3) پلەی رێختەربووە و هاوڵاتیان هەستیان پێنەكردووە.
دەستەی گشتی كەشناسی و بومەلەرزەزانی عێراقی داوا لە هاوڵاتیان دەكات پابەندبن بە رێنمایی رووداوە سروشتییەكان و دووربكەنەوە لە هەواڵی ناراست.