كوردیو

 

لە ئەنجامی لافاوەکەی ئەم دواییەی دهۆک، 4 کەس گیانیان لە دەستداوە و 1600 ماڵ چۆڵکراون.

 

لە راپۆرتی نوێنەرانی پارێزگای دهۆک لە ئەنجومەنی نوێنەرانی عێراق سەبارەت بە زیانەکانی ئەو لافاوەی پارێزگای دهۆکی گرتەوە هاتووە،"4 کەس گیانیان لە دەستداوە و  (1600) کەسیش بەهۆی لافاوەوە ماڵەکانیان چۆڵکردووە و لە هۆتێلەکان جێگیرکراون".

 

ئاماژە بەوەشدراوە،" هەزار و 700 ماڵ زیانی بەرکەوتوو،هاوكات زیان بەر (248) ئۆتۆمبێل کەوتووە".

 

هەر بەپێی ڕاپۆرتەكە،" 25 پرۆژەی حکومیی و ژمارەیەک لە شوێنە بازرگانییەکان زیانیان بەرکەوتووە".

 

جێگەی باسە، لە ڕۆژی 19-3-2024 هەرێمی کوردستان ڕووبەڕووی شەپۆلێکی بەهێزی بارانبارین بووەوە، بەهۆی لافاوەوە زیانی گیانی و ماددی لێکەوەتەوە، لافاو لە پارێگای دهۆک بەراورد بە پارێزگاکانی دیكە زیانی زۆرتری لێکەوەتەوە.