ئەمڕۆ سێ شەممە بەهۆی جێبەجێنەكردنی داواكارییەكانیان ژمارەیەك لە مامۆستایانی ناڕازی و فەرمانبەرانی گەرمیان دەست بە خۆپیشاندان كردو هۆشداری دەدنە بەرپرسانی هەرێمی كوردستان.
عەلی حسێن پەیامنێری كوردیو لە گەرمیانەوە پێی ڕاگەیاندین: وەك بڕیاربوو ئەمڕۆ سێ شەممە 27-10-2020، بەشێك لە مامۆستایانی ناڕازی و فەرمانبەرانی گەرمیان دەستیان بەخۆپیشاندان كردو داوا لە ئەنجومەنی وەزیرانی هەرێمی كوردستان دەكەن مانگانە لەكاتی خۆیدا مووچەی تەواوەتی دابەش بكەن.
هەروەها ئەوەشی خستەڕوو: مامۆستایانی ناڕازی و فەرمانبەرانی گەرمیان هۆشداری توند دەدەنە ئەنجومەنی وەزیرانی هەرێمی كوردستان لەئەگەری جێبەجێنەكردنی داواكارییەكانیان هەڵوێستی دیكە دەگرنەبەر.
جێگەی باسە پێشتریش چەندین جار مامۆستایان و فەرمانبەران لەشاروشارۆچكەكانی هەرێمی كوردستان دژی پێنەدانی مووچەی تەواوەتی و لەكاتی خۆیدا گردبونەوەو خۆپیشاندانیان ئەنجامداوەو بەو هۆیەشەوە بایكۆتی ناوەندەكانی خوێندن و بەشێك لە دامودەزگا حكومیەكان كراوە.