لە یارییەكانی خولی نایابی عێراق زاخۆ توشی دۆڕانی سێیەم بوو كاتێك بە دوو گۆڵ بەرامبەر بە گۆڵێك بە شوڕتە دۆڕا یارییەكەش لەسەر یاریگای شەعب ئەنجامدرا.

رافایل سیلڤا لەخولەكی 22 گۆڵی یەكەمی بۆ شوڕتە تۆمار كرد،گێمی یەكەمیش بەم ئەنجامە كۆتایی هات، لەگەڵ دەست پێكردنەوەی گێمی دووەم بە پێنج خولەك ئەحمەد محمد گۆڵی بەرامبەری بۆ زاخۆ تۆمار كردەوە،بەر لەكۆتایی یارییەكەش بە 12 خولەك عەلی فائیز عەتیە گۆڵی بردنەوەی بۆ شوڕتە تۆمار كرد، بەم بردنەوەیەش شوڕتە بووە خاوەنی 40 خاڵ لە پلەی سێیەم مایەوەو زاخۆش بە 31 خاڵ بۆ پلەی حەفتەم دابەزی.