تیمی لەناوبردنی تەقەمەنیی بەڕێوەبەرایەتیی گشتیی كاروباری مین لە گەرمیان بڵاویكردەوە: 18 بۆمبی فڕۆكە و ژمارەیەك پارچە تەقەمەنیی جۆراوجۆریان لە قەزای كفری دۆزیوەتەوە و بۆ شوێنێكی سەلامەت گواستویانەتەوە.
دەقی ڕاگەیەندراوەكە:
رۆژی چوارشەممە رێكەوتی ٢٢/٩/٢٠٢١، تیمی لەناوبردنی تەقەمەنیی بەڕێوەبەرایەتی گشتی كاروباری مین/گەرمیان كۆی (١٨) بۆمبی فڕۆكە و ژمارەیەك پارچە تەقەمەنیی جۆراوجۆری لە قەزای كفری چارەسەر كرد.
بۆمبەكان لە جۆری (زاب ١٠٠)ی سووتێنەرن و كێشی هەر یەكێكیان (١٠٧ كغ) و درێژیان (١ مەتر) دەبێت.
سەرباری ئەوانەش، كۆی (٤٦) پارچە تەقەمەنیی دیكە لە هەمان ناوچە دۆزرانەوە و بۆ شوێنی سەلامەت گوازرانەوە.
#دەزگای_مین #گەرمیان #كفری
#لەناوبردنی_تەقەمەنی