بەرشلۆنە بردنەوەیەكی گرنگ و زەحمەتی بەدەست هێناو بە فەرمی خۆی گەیاندە یانە پاڵەوانەكانی ئەوروپای وەرزی داهاتوو پاش ئەوەی لەسەر یاریگای بینتۆ ڤیامارین بە دوو گۆڵ بەرامبەر بە گۆڵێك لە ریال بێتسی بردەوە.

گێمی یەكەم بەیەكسان بوون بەبێ گۆڵ كۆتایی هات، لەخولەكی 76 ئەنسۆ فاتێ گۆڵی پێشكەوتنی بەرشلۆنەی تۆمار كرد، دوای تەنها سێ خولەك مارك بارترا گۆڵی بەرامبەری بۆ ریال بێتس تۆمار كردەوە، لەكۆتا خولەكیش جۆردی ئەلپا گۆڵی بردنەوەی بەرشلۆنەی تۆمار كرد، بەم بردنەوەیەش بەرشلۆنە لە پلەی دووەمی ریزبەندی بووە خاوەنی 69 خاڵ ،بەر لەكۆتایی ئەم وەرزە بە سێ جەولە بە فەرمی گەیشتنی بە خولی یانە پاڵەوانەكانی ئەوروپای وەرزی داهاتوو مسۆگەر كرد.