دى ماریا دگهل یوڤانتوس گههشته رێكهڤتنا دهستی و موچێ سالانه دیار كر .
ئهنخێل دى ماریا یاریكهرێ پاریس سان جێرمان ل ئێك شهمبا بهێتن و دوماهیێ ب درێسێ یانهیا پاریس سان جێرمان بهرامبهر میتز ئهنجام دهت و ئێكسهر دێ یانهیێ بجه هێلیتن .
روژناما لاگازێتا دیللۆ سپورت یا ئیتالى بهلاڤ كر , كارگێریا یانهیا یوڤانتوس رێكهڤتنا دهستپێكێ دگهل دى ماریا كریه و پهیوهندى ب یانهیێ كریه .
روژناما ناڤبرى ئاشكرا كر , یانهیا ئیتالى دوو ئوفهر كرینه بهر دهستێ یاریكهرێ ئهرجهنتنى ئێك ژ وان گرێبهست دناڤبهرا وان دا بو دهمێ دوو سالا بیتن و بهرامبهر موچێ سالانه كوژمێ 7 ملیون و پێنج سهد هزار یورویا بیتن .
ئوفهرا دووێ گرێبهستا دناڤبهرا وان دا بو ئێك وهرز بیت ب موچێ سالانه ههشت ملیون یورویا ئهگهرهكێ زور ناڤبرى رازى بیتن لسهر بوچونا دووێ و پشتى دهمهكى نویكرنا گرێبهستێ بو سالهكا دى درێژ بكهت .
دى ماریا حهفت وهرزه ل یانهیا پاریس سان جێرمان یاریێ دكهت و دوى دهمى دا 92 گولا تومار كهت و د 294 یاریا دا 118 ئهسیست بو ههڤالێن خو دروست كرینه .
گرێبهستا دى ماریایی دگهل پاریس ل هاڤینا ئهڤ ساله دا دێ بدوماهیك هێتن و پانه یا بهرههڤ نهبو ب نویكرنا گرێبهستێ سهبارهى 18 ناسناڤ دگهل برینه .