لێپرسراوی گومرگی باشماخی مەریوان ڕایدەگەینێت،ساڵی رابردوو زیاتر لە یەك ملیۆن تۆن كاڵا لەسنوری باشماخەوە هەناردەی هەرێم كراوە.
فەرید حەق پەنا، لێپرسراوی گومرگی باشماخی مەریوان بە میداكانی ئێرانی راگەیاندوە:" بەپێی ساڵنامەی وڵاتەكەمان، ساڵی رابردوو یەك ملیۆن و 163 هەزار تۆن كاڵای لەسنوری باشماخەوە هەناردەی هەرێمی كوردستان كردووە، بەوەش %30 هەناردە زیایكردووە.
ئەوەشی خستۆتەڕوو، ساڵی رابردوو بە بەهای زیاتر لە 703 ملیۆن دۆلار كاڵا هەناردەكراوە، هەروەها كاری گومرگیش بۆ 115 هەزار بارهەڵگر بە كێشی دوو ملیۆن و 580 هەزار تۆن و بەبڕی سێ ملیار و 770 ملیۆن دۆلار لە سنووری باشماخەوە ئەنجامدراوە.