دوێنێ سێ شەممە كارمەندانی تەندروستی بایكۆتیان لە بنكە تەندروستیەكانی سلێمانی و هەڵەبجە ڕاگەیاندو داوای دابەشكردنی مووچە لەكاتی خۆیدا دەكەن.

پەیامنێری كوردیو لە سلێمانیەوە پێی ڕاگەیاندین: ئەمڕۆ دوو ڕۆژە بایكۆتی ناوەندەكانی تەندروستی لە سنوری سلێمانی و هەڵەبجە بەردەوامەو كارمەندانی تەندروستی جگە لە حاڵەتی تەواری ئامادەنین نەخۆش ببینن و كارەكانیان ڕایی بكەن.

ئەم بایكۆتە لە كاتێكدایە كە لە ماوەی پێنج مانگی ڕابردوودا تەنها یەك مووچە بە مووچەخۆرانی هەرێمی كوردستان دراوەو لە ئێستاشدا مووچەخۆران داوای دابەشكردنی مووچەی مانگانە لەكاتی خۆیدا دەكەن.