ژیانی مرۆڤەڪان بەپێی ڪارو ئاڪارو ئەتواری ڪەسەڪان، سوونەنی خوایی بەسەریاندا دەچەسپێ و ڕەنگڕێژ دەڪرێت.
ئەم سوونەنە، نە کەس دەناسێت تا خاتری بگرێت، وەنە کەس بۆی نامۆیە تاکو ڕقی لێ هەڵگرێت. بەڵڪوو ئەوەی لەبەرچاوان دەگیرێ و یاسای بەسەردا دەچەسپێت، تەنهاو تەنها ڪارو ڪردەوەو، ئاڪارو تەتواری کەس و ڪاربەدەستانە.
جا ئەگەر هاتوو ڪارو ئاڪاریان، پاڪ و چاڪ بوو، ئەوا بەرو سەمەری باش و پوخت و نایابی دەچننەوە، واتە چاڪبوون لە بەرژەوەندی ڪەس و ڪەسەڪانەو بۆ خۆیانە، بەبەڵگەی «إِنْ أَحْسَنتُمْ أَحْسَنتُمْ لِأَنفُسِكُمْ». خۆ ئەگەر هاتوو ڪارو ئەتواریان پۆخڵ و خراپ بوو، ئەوڪات بەرو سەمەری پیس و خراپ دێتەوە ڕێیان و دروێنەی دەڪەن، یانی خراپ بوونیش بەسەر خاوەنیاندا دەشڪێتەوە: «وَإِنْ أَسَأْتُمْ فَلَهَا/ الاسراء : 7».
جا چاڪەو بەزەیی خواوەند ئەوەندە بەرینە، ناو بەناو بە ڕووداوێ «سەرەڕۆڪاران» ڕا دەچڵەڪێنێ، سا بەڵڪوو دوور ڪەونەوە لە ستەمڪاری و دەست بدەنە چاڪەڪاری: «عَسَىٰ رَبُّكُمْ أَن يَرْحَمَكُمْ».
بەڵام گەر هاتوو کەڵڪ و پەندیان لێ وەرنەگرت، وە چوونەوە سەر خراپەڪاری، بەدڵنیاییەوە، سوونەنی تۆڵە سەندنەوەش بەركار دەبێت و دێتەوە مەیدان بۆیان : «وَإِنْ عُدتُّمْ عُدْنَا / الاسراء : 7 - 8 ».