كەشناسی هەرێم بڵاویكردۆتەوە، ئەمڕۆ هەینی ئاسمان هەوری تەواو دەبێت، لە نیوەڕۆدا شەپۆڵێكی تری باران بارین ڕوو لە ناوچەكەمان دەكات سەرەتا باران بارین لە باكووری ڕۆژئاوای هەرێم دەست پێدەكات و پاشان تەواوی ناوچەكانی تر دەگرێتەوە، باران بەشێوەی بارانی مامناوەند دەبێت هەندێ كات لێزمە باران و هەورە تریشقەشی لەگەڵ دەبێت.
هەروەها كەشناسی دەڵێت، ئەو ناوچانەی ئەمڕۆ پێشبینی دەكرێت ئاستی دابارین زیاتر بێت بەراورد بە ناوچەكانی تر بەشێك لە ڕۆژهەڵاتی پارێزگای هەولێر وەك ( كۆیەو تەق تەق و هیران) هەروەها بەشێك لە سنووری ئیدارەی گەرمیان ڕۆژهەڵاتی پارێزگای كەركوك.
هاوكات ئەمڕۆ هەینی خێرایی با لەسەرخۆو مام ناوەند دەبێت و خێراییەكەی لەنێوان (10 – 20) كیلۆمەتر لە كاتژمێرك دەبێت و ئاڕاستەی باش لە باشووری خۆرهەڵات دەبێت.
كەشناسی دەڵێت، پلەكانی گەرما نزیك دەبێتەوە لەتۆماركراوەكانی دوێنێ پێنج شەممەو مەودای بینینیش لەنێوان (6 – 8) كیلۆمەتر دەبێت.
لەبارەی كەش و هەوای سبەینێ شەممەش كەشناسی دەڵێت، ئاسمان بە گشتی هەوری تەواو دەبێت، نمە باران و بارانی مامناوەند لە زۆربەی ناوچەكان دەبارێت هەروەها لە هەندێ كات هەورە تریشقەی لەگەڵ دەبێت، پێشبینی دەكرێت لە كاتەكانی شەودا لە ناوچە شاخاوییە سنووریەكان و بەرزەكان بەفر بارینێكی كەم هەبێت.
پلەكانی گەرماش بە نزیكەی (2 تــــا 4) پلە نزمتر دەبێت لە تۆماركراوەكانی ئەمڕۆ.
خێرایی باش لەسەرخۆ – مامناوەند (10 – 20) كیلۆمەتر لە كاتژمێرێك.
ئاڕاستەی باش لە باشووری خۆرهەڵات دەبێت و مەودای بینینیش لەنێوان (7 – 9) كیلۆمەتر دەبێت ...
بەرزترین پلەكانی گەرمای پێشبینیكراو بە پلەی سیلیزی ...
هەولێر : 14
سلێمانی : 10
دهۆك : 14
كەركوك : 17
هەڵەبجە : 10
زاخۆ : 15
سۆران : 5
حاجی ئۆمەران : 0
گەرمیان : 18