شەوی ڕابردوو لە دوای 10 ڕۆژ لە دیارنەمانی، تەرمی مامۆستایەكی زانكۆی گەرمیان لە كەركوك دۆزرایەوەو شوێنی ئەشكەنجەو ئازاردانی پێوەدیارە.
عەلی حسێن پەیامنێری كوردیو لە گەرمیانەوە پێی ڕاگەیاندین: بەپێی ئەو زانیاریانەی كە بەدەستمان گەیشتووە، شەوی ڕابردوو تەرمی مامۆستا سەفا موراد باقی كەلهوڕی مامۆستای زانكۆی گەرمیان لە گەڕەكی دۆمیزی كەركوك دۆزراوەتەوە.
هەروەها ئەوەشی خستەڕوو: ئەو مامۆستایە ماوەی 10 ڕۆژە بێسەروشوێنبوونەو لەسەر رێگەی سەرەكی خانەقین _ كەلار فڕێندراوە و ئۆتۆمبێلەكەی جێهێڵدراوە، تاوەكو ئێستاش بكوژەكانی دیارنین و شوێنی ئەشكەنجەو ئازاردان بەجەستەیەوە دیارە.